L’ale di l’accunsentu

Simu à l’entre d’un mondu
In l’ochji d’un zitellu
Per una vita un passu
Per un cantu, un acellu
È lu volu chì sfascia
E nostre sperenze
A carezza chì lascia
L’ombre d’una prisenza

Piglia le l’ale di l’accunsentu
E chjome leste di u ventu
Mursica lu l’avvene

Simu à l’entre d’un sognu
In l’ochji d’un zitellu
Per un’idea, un chjassu
Per un chjirlu, un acellu
È lu volu chì lascia
Da cantu u silenziu
A sperenza chì sfascia
D’incantu u mumentu

Piglia le l’ale di l’accunsentu
E chjome leste di u ventu
È dì è dà è tene
Mursica lu l’avvene

Sonia Moretti \ Alanu Di Meglio \ Federicu Poggi
Voce Ventu