L’aghjalesa

Cum’è tanti baroni
Inchjirendu lu granu
U nostru versu campa
Accintu di canzone

Cum’è le spoche d’oru
D’un estate luntanu
Rivocanu ste voce
A un ventu passione

E ribomba l’Aghjalesa
Incù l’amore cumpagnu
Rima fatta granelle,
A parolla s’hè stesa
Tal’abbracciu mandatu da u Marterraniu
Tal’abbracciu mandatu da u Marterraniu

Nutruta di sudore
Risponde a sacra terra
A tante chjame vive
Sulcate d’amicizia

Cun sulana in lu core
E cu l’estru spartera
A a biada di u mio cantu
Danu basgiu divizia

E ribomba l’Aghjalesa
Incù l’amore cumpagnu
Rima fatta granelle,
A parolla s’hè stesa
Tal’abbracciu mandatu da u Marterraniu
Tal’abbracciu mandatu da u Marterraniu

Cum’è l’ambata fresca
Ch’alliscia l’aghja tonda
Sintrufola una arietta
In l’abbracciu cumunu

Di stu cherchju di vita
Nasce musa ghjuconda
Pane di lu mio esse
Sonniu di creà l’unu

E ribomba l’Aghjalesa
Incù l’amore cumpagnu
Rima fatta granelle,
A parolla s’hè stesa
Tal’abbracciu mandatu da u Marterraniu
Tal’abbracciu mandatu da u Marterraniu