L’addurmintatu di vaddi

In un pratu di virdura,
Ci canta una vadina
Stu locu di natura
Indu’ l’arba smiraldina

Ci nasci è ribotta
Chì quì mai ùn annotta
L’assulia hè divina
È ci n’hè à sciavina

Un ghjovanu suldatu
Bucca aparta è capinudu
In u criscionu bagnatu
In stu tarrenu rudu

Ci hè un calmu priziosu
Stu pratu hè diliziosu
Strapunta virdulina
Chì u sonniu induvina

I peda in a filetta
Hè longa a so sunnata
Zitiddina a so risetta
Divina hè l’azzicata

T’avarà ancu u frischettu
Fasceti issu ciuccettu
Quì fala ugni raghju
Di u soli infariatu

Smintichendu u curaghju
Sarà ancu sbramatu
Ùn s’hè mai divirtitu
St’omu avà addulcitu

U so furori s’hè mossu
Li ferma a gioia addossu
Ma tutti li prufuma
Di a machja incantata

L’udori a si sfuma
Di a so annasata
T’hà a so mani in pettu
Incù dui baddi à daretu

Svegliu d’Isula