1

Isula Citatella

Si celu carcu di stelle chi l’altri paesi ùn anu
Ghjunte l’albe cusi belle smariscenu pianu pianu
E tornanu rundinelle quandu spunta lu veranu
A mio Cursichella, a mio Cursichella.

Si a terra ch’e lavoru e mio lenze suminate
Si u paese chi adoru i mio lochi e mio cuntrate
Di tè torna m’innamoru quand’ella affacca l’estate
A mio Cursichella, a mio Cursichella.

Si fiume chi corri è salti, è fali da l’alte cime
Da li monti li più alti in u buleghju di rime
E di prufumi ti carchi quandu vene u vaghjime.

Si a nostra tradizione si u spechju di l’eternu
Chi l’altre generazione anu impastatu fraternu
A sera à u focune quandu vinia l’inguernu
A mio Cursichella, a mio Cursichella.

Si muntagna chi s’accorda cun quelli tempi beati
Eppoi chi s’arricorda chi i mio antichi sò nati
A u pede di Paglia Orba, monte Cintu è Cinque Frati
A mio Cursichella, a mio Cursichella.

Si isula citatella arradicata à u mare
A mio unica prighera, è mio brame le più care
Si a mio più bella ghjesgia, u più splundurente altare.

Giramondu.