In Memoria

Ce texte est une exhortation à la lutte de tous les instants pour la dignité et pour la liberté.

Per un populu vivu
Chi un vole esse domu
Per un zitellu chi
Dumane serà omu. Bis

Per quellu chi d’amore
Vole pudè campà
Per quellu chi in prigiò
Un ci hà nunda à chi fà. Bis

Per lu pezzu di terra
Chi deve firmà nostru
Per lu celu turchinu
E stu mare d’inchjostru.

Per una casa vechja
Chi ùn vole sprufundà
Per una strada novà
A meza oscurità.

Un aspettà dumane
O fratè, ùn aspetta
Quale essa sia a manera
Di lotta, dumane.

Per l’omu affunatu
O schiavu di un patrone
E chi deve piegassi
A ciò ch’ellu l’impone. 

Per quellu chi dumane
L’impiegnu perderà
Per una donna chi
Si vole liberà. Bis

Per tutti quelli chi
Un ghjornu sò cascati
A un campu d’onore
Feriti marturiati Bis

Luttentu per a patria
Vulendula salvà
Per a nostra memoria
Chi ci aiuta sperà.

Un aspettà dumane
O fratè, ùn aspetta
Quale essa sia a manera
Di lotta, dumane.
Un aspettà dumane
O fratè, ùn aspetta
Quale essa sia a manera
Di lotta, dumane. Dumane.

F.Raffalli \ Natale Luciani
Canta u populu corsu