Idda i so sonnia

In u silenziu nasci
Un criaturu vivu
Chì pianu pianu cresci
A so storia vi scrivu

Quantu ni hà cunnisciutu dola
Oghji un soli si sdraca
Dopu à tant’anni ferma sola
À parlà una lingua

In un sonniu hè campata
Ma in un silenziu chì hè soiu
A so vita si n’hè andata
È ùn pari à nimu un guaiu

Idda i so sonnia
I mi vulia cuntà
Presa da i dimonia
Ùn a di facia à parlà

A sa’ quant’idda hè unica
À lampà un brionu
Quand’idda si litica
Incun idda è basta si pò sprima

In un sonniu hè campata
Ma in un silenziu chì hè soiu
A so vita si n’hè andata
È ùn pari à nimu un guaiu

In u silenziu nasci
Un criaturu vivu
Chì pianu pianu cresci
A so storia vi scrivu

U ventu a si purtarà
Spazzendu à a so porta
Ùn hè idda chì sciuvararà
À st’ora tandu sarà morta

In un sonniu hè campata
Ma in un silenziu chì hè soiu
A so vita si n’hè andata
È ùn pari à nimu un guaiu

In u trostu hè campata
Ma in un rimori chì ùn hè soiu
A so lingua si n’hè andata
È ùn pari à nimu un guaiu

Svegliu d’Isula