I Terzetti di l’amante

Bellissimu hè lu visu di l’amante
Quandu d’amore fattu ellu s’inciapa
Palisendu le veritai tamante.

Nasce tandu à l’ingiru santa pace
Ti pare di capì induve tù vai
È l’angoscia maiò pianu si tace.

Stu luminellu vivu torna incesu
Hè la to sola fede, la to passione
È senti appaciassi u core offesu.

Cumu serà chì puru vechju è frustu
Ti cresce la salute è lu curagiu,
À sta vitaccia ci ripigli gustu ?

Tavagna / Tradiziunale