1

I piscadori è u mare

Mare, mare…
Senti l’omi chi ti chjamanu,
Mare, mare…
Guardendu lu vastu oceanu.

Ramentati una volta
Quell’acula marina
Purtata da u libecciu
Chi curava a marina.

Ramentati le sponde
Di la mio terra amata
Di mille cani è gridi
A l’ora di l’ambata.

Mare, mare…
Senti l’omi chi ti chjamanu,
Mare, mare…
Guardendu lu vastu oceanu.

Per vince fretu è fame
O quanti piscadori
Sulchighjavanu l’onde
Spechju di tant’albori.

N’ai nutritu tante
Ghjente di u lucale
Famiglie per quale ormai
Si move u timpurale.

Mare, mare…
Senti l’omi chi ti chjamanu,
Mare, mare…
Guardendu lu vastu oceanu.

Sia torna un amicu
Un mena micca tantu
Ma dacci, mare eternu
Stu rigalu tamantu.

Apre a scatula verde
Lucichente à l’intornu,
E spone qui per noi
U pesciu d’ogni ghjornu.

Mare, mare…
Senti l’omi chi ti chjamanu,
Mare, mare…
Guardendu lu vastu oceanu.

M.Frassati / G.C Acquaviva
A Filetta.