1

I novi celi

Vidi un celu novu é una terra nova
I primi eranu spariti
Mare un c’era piu

Vidi a cità santa, una sposa adurnata
E sinti’ a voce forte
Chi dicia dà u tronu

E quellu chi vincerà avarà tuttu l’onore
Di a nazione natta pè l’eternità

Vidi fallà u core da vicinu à Diu
Quellu chi asciuverà
Ogni lacrima

Vidi l’agnellu puru è da l’alta muntagna
Eu vidi i novi celi
E a l’ultima muraglia

E quellu chi vincerà avarà tuttu l’onore
Di a nazione natta pè l’eternità

M.LECA (Paroles inspirées de Ap 21)
Aria d’aRena / Christophe Colonna