Hè nostru ‘ssu dumane…

Si certi ne diceranu
Ch’ùn abasta di sperà
S’ell’ùn sò chè tempu ìn vanu
Ore sane à bramà
Un ghjornu s’accorgeranu
Chì a forza nasce in l’unità
Purghjimu ci una manu
Demu vita à stu sunnià

Hè nostru ‘ssu dumane…

Per inventà lindumani
Ch’ellu ferma à custruì
Smintichendu l’inganni
È ogni ferità guarì
Demu vit’a sti sonnii arcani
Si u to core ti dice di sì
Unimu e nostre mani
Chi dumane hè disgià quì

Hè nostru ‘ssu dum,ne …

Li mio sonnii è li vostri
Si ponnu assumiglià
Sti dumani chi so nostri
Femu li, realità …

Jean-Laurent Filippi / Fabrice Andreani