Hè ghjunta l’ora turchina

Hè ghjunta l’ora turchina
Chì annanna a passione
A furtuna si rinchjina
È saluta a nostra unione
Hè l’ora di u spusaliziu
Cusì bellu sacrifiziu.

Hè l’ora di u spusaliziu
Cusì bellu sacrifiziu.

Ci stringhjeremu a manu
Salleremu u nostru pattu
A memoria di l’anziani
Ci vole vede à l’attu
Senza tremu nè frizzione
Tuttu ci chjama à l’azzione

Senza tremu nè frizzione
Tuttu ci chjama à l’azzione

È po compia a vindetta,
Serà l’ora di riposu
Serà l’ora prediletta
U ghjornu serà festosu
U populu ci hà da fà festa
Teba ùn serà più mesta.

U populu ci hà da fà festa
Teba ùn serà più mesta.

Seraghju la to cumpagna
È tù gran’triunfatore
Di tè più nimu si lagna
Serai u mio imperatore
Accogli a mio prumessa
Quella di una principessa.

Accogli a mio prumessa
Quella di una principessa.

Accogli a mio prumessa
Quella di una principessa.