1

Generazione

Sò d’una generazione
Chì dà retta à u vanu
Ricusendu l’usu anzianu
È tutte e so tradizione

Sò d’una generazione
Chjusa in u virtuale
Ch’ùn sà più quant’ella vale
A spartera è l’unione

Ma ùn vogliu esse cusì
Ùn hè per mè issu mondu quì
Aghju altru à fà è altru à dì
È un stintu da custudì

Sò d’una generazione
Da u parè sottumessa
Scurdendu d’esse sè stessa
Di pettu à u paragone

Sò d’una generazione
Accecata da a gloria
Chì tralascia a memoria
È a storia d’una nazione

Ma ùn vogliu esse cusì
Ùn hè per mè issu mondu quì
Aghju altru à fà è altru à dì
È un stintu da custudì

Ma ùn vogliu esse cusì
Ùn hè per mè issu mondu quì
Aghju altru à fà è altru à dì
È un stintu da custudì

Generazione
Di tradizione
Generazione
Pronta à l’unione
Generazione
Nova nazione

G.F. Terrazzoni
F. Santucci