1

Fiore di me ghjorni

Fiore à mezu à i donni,
À u veranu di to bell’anni ;
Tale una rosula
Tù, ti eri spannata.

Cusì, luntanu da li venti,
À l’agrottu di l’inverni,
À to dolce voce eiu sentiu
Chì mi scaldava pianu, pianu.

Una mane di cumunione
M’increscia à vede u sole,
Male, forse ti aghju fattu
Mà, la vita tù m’hai dattu.

Hai berculatu li me ghjorni
Di tantu amore sinceri,
È accumpagnatu li me passi
Quelli li primaticci.

Quissu puema, u ti rigalu
Ò Mà, fiore di i mè ghjorni,
Vurria chì’ssi pochi versi
Richjamessinu à to memoria.

 

Antone Crescenzi
Vaghjime