Fiatu

A fedi cunduci a nostra vita. Ci dà a via chì ci tocca à piglià. Ci dà fiatu par avanzà.

Hè corsu u sangue d’issa terra immaculata
Suminate oramai, sò grane di libertà
Tènile sempre care da ch’ elle sìanu ammantate
D’oru, piaghje è sarre

Di i fiori di u veranu, u prufumu raru
Imbalsamerà e rame di l’arburi centenarii
Diu pardona à quelli ch’ùn anu annacquatu
U solcu di e nostre brame

Precu u Signore di schjarisce a nostra via

Trà làcrime di luna è stelle cinnulelle
Di e più belle fiure s’adorna u Celente
Credi, spera è sogna, per ch’ellu sia l’alburià
Di fede è d’amore colmu

Sparghjendu ignilocu a so luce chjara
Affunderemu u solcu cù e nostre mane
Chì Diu benedica quelli chì s’avvieranu
Nant’à i chjassi di a storia

Precu u Signore di schjarisce a nostra via

Paroddi : Pascal Renucci / Musica : Franck Silana