Euskadi

Tù misteru d’Auropa
Euskadi muntagnola
Mai ùn puderanu strughje
E lotte di i to figlioli
Ne fà tace le to speme
Lu francese è lu spagnolu.

Dui stati assassini
Dumandanu la to morte
Ma li fiumi di rivolta
Correnu sempre più forti
D’un sangue rossu chi dice
A libertà o a morte.

Si sente da qui li canti
A vechja nazione hè in mossa
In li carrughji t’aspetta
A guardia di Juan Carlos
Contr’à ste vile milizie
A storia ripiglia forza.

In madrid anni passati
Un ghjornu ti si svigliatu
Ridendu cum’è un zitellu
E in aria ai mandatu
Un amirale si spagna
Di Franco un gran’suldatu.

Daret’a la to bandera
S’avanzanu tutti uniti
Piscatori è paisani
La to storia ùn hè finita
Populu Bascu fratellu
Patimu listessa ferita.

Svintuleghja la bandera
Di li populi rinviviti
Femu una storia cumuna
Nant’à ste sponde fiurite
Semu in lotta tutti inseme     Bis
Pè fà triunfà la vita.

A Filetta.