Eternu Messaghju

Davant’à la me bandera
Sò cascati i suldati
Per una lotta sincera
E da tanti rivuccata
Ma u sangu’un lava nunda
Face cresce a ghjastema
Face nasce l’addisperu
Senti o fratè n’ùn trema

Chì eiu Che Guevara
Da la me notte prufonda
Ti mandu quissu messaghju
Di u fondu di a mio tomba

Una vita hè cum’un fiore
Face cresce a stonda calda
Un c’hè omi ùn c’hè timore
Chì hà dirittu à stradicala
Un ci sia che l’amore
Per pisà tutt’e bandere
Ch’ellu sia u vostru onore
Di culand’à e fruntiere

Chì eiu Che Guevara
Da la me notte prufonda
Ti mandu quissu messaghju
Di u fondu di a mio tomba

È quandu tutt’e bandere
Seranu libere è fiere
Infine serà serenu
Lu mo sonnu pè l’eternu

Chì eiu Che Guevara Bis
Da la me notte prufonda
Ti mandu quissu messaghju
Di u fondu di a mio tomba