1

È dumane dinù

Da prufondu à le mio vene
U mio core ne suvene
Era tuttu è ancu à pena
U rispiru di a mio lena
Ere l’altra manu tesa
Quandu a vita punghje è pesa

Oghje sempre sì tù
Di issu celu ch’e mi sunniava
Ogni ghjornu di più
Un amore chì ricuminciava

È dumane dinù
In core meiu ci sarai tù
Cum’è un sole quassù
Cum’è un sole chì si chjina più
È dumane dinù
In core meiu ci sarai tù

Pè addulcì le mio pene
Apre l’ale di l’avvene
Ere surella ancu à pena
L’altru gestu chì sumena
Feminile lu to crede
L’aqua chjara di a mio sete

Oghje sempre sì tù
Di issu celu ch’e mi sunniava
Ogni ghjornu di più
Un amore chì ricuminciava

È dumane dinù
In core meiu ci sarai tù
Cum’è un sole quassù
Cum’è un sole chì si chjina più
È dumane dinù
In core meiu ci sarai tù