Duve sò

Duve sò pigliate l’ore
Di e rise zitellene
Quandu per coglie e more
Un timiamu e spine

Duve sò, duve sò ‘ssi mumenti
Duve sò, duve sò à i venti o spenti

Forse si ne sò andate
Cu u fiume di l’eta
Cu’ sse pieni infuriate
A l’eterna a libertà

Duve sò, duve sò ‘ssi mumenti
Duve sò, duve sò à i venti o spenti

E qu’elle ardente battaglia
Da difende u castellu
Fattu di tarra è di paglia
Di u mondu u più bellu

Duve sò, duve sò ‘ssi mumenti
Duve sò, duve sò à i venti o spenti

E ‘ssi chjarasgi pumposi
Quantu volte vindimiati
I revecu, diviziosi
Carchi à frutti inzuccarati

Duve sò, duve sò ‘ssi mumenti
Duve sò, duve sò à i venti o spenti

Ma un fondu à u mio core
L’aghju tinuti prisenti
U profume di ‘sse more
E tutti quelli mumenti

Sò in mè, sò in mè…              x4

Sò in mè, sò in mè ‘ssi mumenti
Sò in mè, sò in mè à i venti
Sò in mè, sò in mè ‘ssi mumenti, mai spenti…