Duve Hè

Ti brusgia la memoria
D’ùn sapè ne chì fà
È po in la to storia
Quantu passi à rifà

A più bella risposta
Ch’è tù li voli dà
Dici ch’ella ti costa
Ma voli perdunà

È sola una primura
Ti pò fà caminà
Ùn hè vechja paura
Chì ti pò fà piantà

Duve hè… Duve hè… duve hè ch’è tù trovi
Issa forza d’ùn sparì
Duve hè… Duve hè… duve hè ch’è tù provi
Quand’ellu hè notte quì

Ti cunsuma lu core
È ne voli inventà
So chì mai si more
È ti pò cunsulà

E ti preghi più sane
Isse strade à ritruvà
Ùn hè di spere vane
Ch’ellu si pò cambià

È sai ch’ella scritta
Chì l’omu pò amà
È po a ci teni arritta
Quì a nostra dignità

Marc Ventura / Fabrice Andreani