Distinu

Ind’a notte chi m’ingira,
E’ssu bughju d’addisperu
Sentu di Diu u rispiru
Ch’aghju l’anima nobile è fiera

Prighjuneru di u misteru
Un vogliu esse ribeddu eppo
Eiu sto arrittu è fieru
E à a sorte dicu innò

In stu locu freddosu di morti
Un vecu chè guai è sciagura
Mà ancu si a vita và torta
Un cunnosceraghju a paura

Cusi pessimu sia u chjassu
Un sò solu è voi site quì
Sò maestru di i mio passi
E anch’eiu vogliu esiste…..X2

Christophe Mondoloni