Discetati o Zitelletta

Discetati o zitelletta
È stalli à sente l’amichi
Quellu chì canta ind’a stretta
Ùn hà più sensi felici
L’hè falata una saetta
È in core ci hà le veneci.

Mandatu avia la staffetta
Ver’di la cara lumera
In paese sia detta
Chì la mio fede hè sincera
Stalla à sente quì l’arietta
Chì si lagna è sempre spera.

Aprile quell’albe chjose
Chì sò quì cum’è in galera
Perchè le teni naseose
Le to bellezze la sera
À mè li versi giocosi
Mi vanu più chè la preghera.

Stammi à sente o zitelletta
Ti vogliu dì duie cose
Chì sta notte benedetta
Ne dumane ne ripose
Allora cala a stanghetta
È prestu chè tù mi spose.

G. Fusina / Tradiziunale