Di stintu

Di stintu
U me passu ùn si para
A me mani ùn si stringhji à l’arzardu

Di stintu
Viaghju à nantu à sta tarra
È fissu hè lu me sguardu

Di stintu
Eiu salutu
Quiddu ch’hè cunnisciutu
U me palmu porsu
Cusì ùn aghju rimorsu

D’amicizia rumpu i stradi
Curgu ancu senza fiatu
U me stintu iddu abbada
À l’amicu à mè liatu

Di cori
Aiutu senza fruntieri
Un sustegnu à l’amicacciu

Di cori
Andà versu u frusteri
Un segnu pò essa bravacciu

Di cori eiu aiutu
Incù quali aghju spartutu
Solu firmarà in menti

L’amicizia di sta ghjenti
D’amcizia rumpu i stradi
Curgu ancu senza fiatu

U me cori iddu sparghji
À l’amicu à mè liatu
U me stintu iddu abbada
À l’amicu à mè liatu

Svegliu d’Isula