Cunosci

Cunosci u cori di un paesi scunsulatu
Chi campa stuvu quandu fala a notti
E u sunghjuzzu di a funtana
Induve a siti d’amori bii culori a sera. Bis

Cunosci l’ora franca di i mattutini
L’odori di l’ombra di a tarra quand’iddu piovi
A voci fida di l’arghjaghjolu in festa
Eppo u cantu tristu chi siduci a to pena. Bis

Cunosci u lumu di l’ultima battaglia
E quiddi steddi cechi di miseria
O l’acedduciu sviatu sopra mari
E po i vechji ghjorna carchi di mistera. Bis

Cunoscu eu u nomu sminticatu
E u puema sempri missu à u scartu
U solcu apartu di a noscia strada
Dù sola una cruci un ghjornu s’hè firmata. Bis

Bruno Susini
Surghjenti