1

Cunfina ci

Un caminu
Àvii aparti di rena
A marina
Rigalu divinu

Ùn sarrà ti
Laca ci mova in paci
Ch’ùn si taci
A vodda di piddà ti

Di l’eternu passaghju
Fruntiera sè lu missaghju
Cava li sti chjaccheni
Fà ci u passa è veni

U to zuddu
Pulitu da ugni passu
U to chjassu
Cusì riccu di trastuddu

Una strada
Di centu naziunalità
Pront’à andà
D’un mondu à quidd’altri monda

Di l’eternu passaghju
Fruntiera sè lu missaghju
S’è tù ci pò dà stu stintu
Ch’è no’ t’avemu in drintu

Una strada
Sempri pront’à stangà si
Pà taddà si
Di quidd’altri hè a pappadda

Un caminu
Da un locu à un antru
Sempri à u centru
Di un mondu ch’hè cumunu

Di l’eternu passaghju
Fruntiera sè lu missaghju
Cava li sti chjaccheni
Fà ci u passa è veni

Di l’eternu passaghju
Fruntiera sè lu missaghju
Cunfini pà fà ci unu
In un eternu cumunu

Svegliu d’Isula