Culore di vita

Si sente certe volte, venuta d’un si sà
D’Africa, d’Oriente, ô d’Americhe cùla,
Una voce luntana, chi parte à scapullà,
Per purta in lu to core, u soffiu di u sperà… Bis

Ci parla di’sse lingue, venute d’un si sà,
Parlate da mille zitelli, nati da qu’à è là
So tanti canti d’acelli, è raggione di sperà.

Ci parla di’ssi canti, venuti d’un si sà,
Di fronte a mille putenze, si volenu firmà,
So tanti lagni di suffrenze, è raggione di sperà.

Ci parla di’sse culture, venute d’un si sà,
Forte da mille prufumi, sbucciati quà é là,
So tanti raggi di lume, è raggione di sperà. Bis

Ci parla di’ssi populi, venuti d’un si sà,
Cumposti da mille culori, razze è identità,
So tanti campi di fiori, è raggione di sperà.

Ci parla di tutti st’omi, venuti d’un si sà,
Nati da mille orizonti, chi s’alzanu pè dà,
A libertà chi more, é raggione di sperà.

Ci parla di’sse lotte, venute d’un si sà,
Fate da mille rivolte, bramose di libertà,
Pè dà tutt’ognunu, u dirittu d’esse é di campà. Bis

E sta fede chi lucce, Ghjosa in lu to pettu,
Pianu pianu si sparghje, e ti face dispettu,
Allora, apri u to core, e tendila sta manu,
Aprilla a stu mondu, pé scarinii dumane…