Cresce Sperenza

Cresce sperenza, Populu và
Incù la to presenza, Nazione si ferà.

Aghju vistu pienghje più d’una mamma
Chì di u so figliolu sentia la chjama
Ch’ellu li mandava di la so stanza
Per avè parlatu d’indipendenza.

Cresce sperenza, Populu và
Incù la to presenza, Nazione si ferà.

Oghje emu cambiatu ancu di guvernu
Chì ci hanu prumessu u veranu eternu
Fiore di scope mai granate
Chì à u ventu si ne sò andate.
Cresce sperenza, Populu và
Incù la to presenza, Nazione si ferà.

Nant’à sta terra duve simu nati
Parechji fratelli sò morti suldati
Morti per fede o per amore
Per un pezzu di terra ch’ùn lasceremu corre.

Cresce sperenza, Populu và
Incù la to presenza, Nazione si ferà.

À tutti l’eletti di Cursichella
Hè finita l’ora di la riturnella
Date ci mezi per pudè campà
In casa nostra è pudè ci stà

O date ci mezi per pudè campà
O lu populu corsu si n’incargherà.

Cresce sperenza, Populu và
Incù la to presenza, Nazione si ferà.

Cresce sperenza, Populu và
Ch’incù a so putenza Nazione vincerà.