Ci tocca à fà

Da lu bughju à lu chjarore
Un c’hè ch’ùn passu à francà
Ma da la guerra à l’amore
Ci ferma tante cose à fà
In quelli campi di mine
Ci tocca oghje à suminà
Tante granelle di rime
Per fà sbuccià l’umanità

Cun mille voce addunite
Ci tocca oghje à cantà
Quelle sperenze infinite
Chì c’invitanu à sunnià

Ooooo…

Per sminticà le vindette
Tutti l’odii è a crudeltà
Pè fà tace tonni è saètte
Ci tucherà à azzigà
Cun canti d’etern’unione
Pruveremu à fà ribumbà
Più chè u bottu di u canone
A chjama di a fraternità

Cun mille voce addunite
Ci tocca oghje à cantà
Quelle sperenze infinite
Chì c’invitanu à sunnià

Ooooo…

Vogliu mandà stu messagiu
À tè chì lu sai purtà
Per schjarisce tal’ùn ragiu
I paesi à lucignulà
Ma sempre cun la sperenza
Chì tuttu, ùn ghjornu cambierà
Per dà torna à la cuscenza
I novi sogni à inventà.

Cun mille voce addunite
Ci tocca oghje à cantà
Quelle sperenze infinite
Chì c’invitanu à sunnià

Ooooo…

Jean-Lauren Filippi / Fabrice Andreani