Casa fraterna

Tù chì l’ai cunnisciutu
U tempu di spalluzzera
Brami di vede stu locu
Più riccu chè ch’ellu ùn era
Di benestà di ghjente accolta
Di risa à a to porta

Un paese s’arrizza
Senza odiu nè stizza
Per quelli chì ci anu da campà
Una casa si face
Pè ingrandacci in pace
D’amore è di fraternità

Venenu e imburascate
Da ghjaccià core cun mente
Inizia l’avvicinate
Sparghji fraterna sumente
Di benestà di ghjente accolta
Di risa à a to porta

Un paese s’arrizza
Senza odiu nè stizza
Per quelli chì ci anu da campà
Una casa si face
Pè ingrandacci in pace
D’amore è di fraternità