Canzona pè Laura

Era eiu issu zitellu
Di e mane nivaghjone
Marchiava nantu à u stradone
À latu à u mio fratellu

Era eiu issu zitellu
Di e corte di e scole
Di e seratiche fole
L’ochji persi indu e stelle

Era eiu issu zitellu
Di l’ore più partimpine
À a chjama di u mio cuginu
Per andà appressu à l’agnelli

Era eiu issu zitellu
Di u pozzu à a vaccaghja
Di e scialmane di l’aghja
Di l’aostu imbrunipella

Era eiu issu zitellu
Vecchju cum’è a natura
Saziu di e to primure
U core appesu à issu cantellu

Era eiu issu zitellu
Ma in l’ochji d’una ciuccia
Oghje sò quellu zitellu
Oghje sò quellu zitellu