Canterini

Noi simu li canterini, noi simu li pelegrini
Anderemu à cantà, anderemu à impaghjellà
Noi simu li musicanti, divertimu tutti quanti
Anderemu à impaghjellà, anderemu à cantà.

Cù lu ghjornu è cù la notte, hè la fede chi ci porta
O chi gioia di sunà, cun viulinu è cun chità
Per li vechji è li zitelli, sempre di core cun elli
Cun viulinu è cun chità, o chi gioa di sunà.

A la bella damicella, per quella diana stella
Noi vulemu puetà, u cantu ci uniscerà
E po sempre in cumunione, cù la più grande passione
U cantu ci uniscerà, noi vulemu puetà.

Da la cima sin’à in fondu, noi furmenu lu rondu
Quatrigliu si ballerà, cappia è piglia si ferà
Po fendu li punticelli, o ancu li mulinelli
Cappia è piglia si ferà, quadrigliu si ballerà.

Cù le crucette stellate è po le curdette fatte,
Ballu strintu è trallalà, volta è gira è tuttu và,
O mazurca, o scuttisca, è chi più nimu sculisci !
Volta è girà è tuttu và, ballu strintu è trallalà.