1

Campà

Ma dernière Volonté (Serge Reggiani)

Aghju campatu à quella volta
Cù pocu amori è carità
Aghju campatu à brilla sciolta
Canti, risati è binistà
Chì trà pilatu è caifassu
I mè maestri à sente dì
Aghju pigliatu un bellu chjassu
È la vita hè corsa cusì

Campà, Campà
Puru rinchjusu è senza sole,
Campà, campà,
Campatu aghju è vogliu campà

Avà credu à la barba bianca
Chì veda tuttu dà quassù
Si ne posa annant’à la panca
Discurrendu cun bon Ghjesù
San Petru apre lu paradisu
À li furdani cum’è mè
È la Madonna à dolce visu
Offre una tazza di Caffè.

Campà, Campà
Puru spentu è senza calore,
Campà, campà,
Campatu aghju è vogliu campà

Di fà l’amore ùn hè piccatu
Aghju campatu à malandà
Manghjatu, betu è ghjastimatu
Mà ciò ch’è fattu, ùn hè dà fà
« Mi mi mi chì avà si sente
Hè troppu tardi ò cagagliò ! »
Cusi dice di mè la ghjente
Mi pare ch’ella abbia raghjò

Campà, Campà
Puru stendu à sente le fole
Campà, campà,
Campatu aghju è vogliu campà

Ma s’avvicina Pidanella
Ella si ùn sà quale sò
Pristu pristu, o morti niella
Vai puri è cerca in altrò
Lascia stà lu vechju birbante
Chì brama un hà di tramutà
Scampa via o ultima amanti
Avarè lu tempu à vultà !

Campà, Campà
Di spiranza à ochji di soli
Campà, campà,
Ò sgiò San Petru, carità !

Adpatation : Ghjuvan Ghjaseppu Franchi