Caminaremu

Caminaremu mez’à i sti lochi
Sott’un albore di vita nova
E u mio cantu d’amore
Truverà u so ribombu.

Saranu liberate e canzone
Abbrutulite da fiare in pettu
In l’inguernu chi pesa in core
Di u so piombu.

Sò tante lettarelle da mandà
Per i penseri quindi e culà
Mez’a disfatte intricciate
Di e nostre vite.

Sè tu sapessi tù oramai
Cum’ellu brusgia un tempurale
Mez’a i secreti viaghji
Chi sò smariti.

Caminaremu mez’à i sti lochi
Sott’un albore di vita nova
E u mio cantu d’amore
Truverà u so ribombu.

Saranu cunsumate e ferite
Spente e certezze invechjate
C’anu puntu di ferru rossu
E nostre stonde.

D’acque e fiumare petricose
Vogliu tucca l’alte surgente
Per stancà a sete chi rode
E nostre speme.

Un ghjornu discioglienu in i cori
Tutte l’assenze tutta a storia
Per inventà l’altru viaghju
Chè noi feremu… Ter

Giramondu.