Cacufunia

Al di là di e differenze
Cullandi l’indifferenze
Miscula bianch’e nere
In un mondu e pensere

Hè stazia la to vita
Di paes’in cità
Senza bemole alcuni
Sentu sunà li to soni

Pè sta musica maiore
In un accordu minore
Più d’una risona hai
Vivu sempre fermerai

Gloria ùn’hai nunda à fà
Postu ch’ùn c’hè nunda à fà
Pè cunquista a ghjente
Cu lu strumente à sente

Cerca a terza persona
Quandi lu bassu risona
Piazza di diesi in chjave
Di tante core à fariale