Avvene Scatinatu

In la casa viulente
Ci hè u me paese
Passa a vita difesa
Cultella accesa
Pà smanumà l’omi
Passa a libertà
Cum’è acqua vita chì brusgia
In capu
Cum’è a sperenza di more

A vechja guerra
Ch’aghju persu
Incù le mane d’una miseria
A vechja guerra
Ch’aghju piattu
Incù li bracci d’un silenziu
A vechja guerra ch’aghju lasciatu
Incù la paura ch’ella volti
À ti dò
Di rigalu
A me storia abbandunata