A sfida

Fughje l’avventura,
Si straqua è s’addurmenta nantu dispiacere
Un vole sunnià
Aspetta u ventu per pienghje
Cusi nimu ùn lu pò sente,
Ghjoca à spenghje i lumi
Perchè hà paura di li spechji,
Aspetta la notte per mughjà
Cusi nimu ùn lu pò ricunnosce.

Si defende cù lu so arte
Sona perchè qui ci vole sempr’à ghjustificassi
Un li piace u silenziu
Sona per viudassi lu core,
A puesia hè una guerra
Ricusa ogni cumbattu
U musicante un hè guerrieru
Perchè hà troppu sincerità
Sona chè qui ghjè un desertore.

Incapace di tene caru,
A bellezza hè periculosa s’ell’hè gratisa
Un serà mai libera
Perdenu quelli ch’un ghjocanu,
Un soffrenu chè li muti,
Li anu dettu ch’esistenu li maghji
Aspetta ch’elli venganu à cercallu
Face assai ch’ell‘un hà surprese
Incapace d’esse tenutu caru.

Isula.