A l’alivetu

Affanatu sò da l’ore chi vanu in mente
E cercanu à pasponi
Trà chjasse vechje è patene
Donne calusgiule, omi venti
E veduve cità à mai spanticate
Da u spietatu tempu.

Aghju barcatu l’anni
A core datu, à mani tese
Vistu malanni è tarre arrese
Oghje t’avvedi o la mio vita
Chi strada un’era infinita !

Padre s’avanzanu l’ore
Ver’di e sante scritture
E l’abbrucata avvigne
Mentre u mio core si strigne
M’addondanu le to primure.