1

À fiancu à tè

À fiancu à tè ogni ghjornu
Hè un sonniu rinvivitu
Andata senza ritornu
Versu l’amore infinitu

À fiancu à tè tuttu splende
Chì u to visu rischjara
È d’un uchjata accende
A me più intima fiara

À fiancu à tè, à fiancu à tè…

À fiancu à tè l’armunìa
A campu à vita persa
Cum’è un raghju d’allegria
Chì u mio esse attraversa

À fiancu à tè l’avvene
Hà un gustu d’eternità
Chì pè quessa è mille à vene
A mio vita cun tè serà…

À fiancu à tè, à fiancu à tè…
À fiancu à tè, à fiancu à tè…

À fiancu à tè…

G.F. Terrazzoni
J.V. Servetto