A cunnosci l’età

Di tanti suspiri è stonde
Troppu ghjorni sò per mè
Stessi à l’onda calma chì corre in tè
Tante parolle criciute
À l’avvene ch’è t’ùn sai
Da purtà e nostre voce sin’à mai

Dopu serà l’invernu
Cù e so file d’infernu
Voga puru una stagione chì pò fà
Di pettu à u sempre chì và

Cum’è un fanale d’oru accesu
Sguardu, passi cusì à l’ora più cheta
Di a mio vita chì corre quì
Dolce mumentu sicretu
Veni tù subbitu avà ghjunghji è staccia
A mio sete pè campà

Dopu serà l’invernu
Dù e so file d’infernu
Voga puru una stagione chì pò fà
Di pettu à u sempre chì và

Sai sò l’anni in giru à noi
À puntellà ogni certezza
À alliscià i nostri sensi cù a so carezza
Si sbuccianu i mio fiori
Senza mancu troppu sapè
U mio corpu trema di vita per tè

Tandu serà l’estate
Cù so file infiarte
Voga puru una stagione per noi ferà
Di pettu à u nostru sempre chì và

Chjami Aghjalesi