1

A Cispra

Emu lasciatu ghitarre è tamburi
Perchè sta mùsica s’hà da stancià
Simu ribelli è po femu paura
È cù la cispra, vulemu cantà

Noi canteremu sta nova canzona
Tutta la ghjente la deve amparà
È cumbattimu u rè di i Burboni
A terra hè nostra è ùn s’hà da toccà .bis

Hey x2

Tuttu lu Bòziù, Tutta a Castagnìccia
Si sò scitati è volu luttà
Puru a Tavagna s’hè rivultata
È lu nemicu u feremu trimà

S’hè vistu un lupu è anu a paura
Ùn si sà bè ciò chì hè verità
U veru lupu manghja e criature
Hè l’invasore chì ci vole à spulà .bis

Hey x2

Voi belle donne chì date lu core
S’è lu ribellu vulete salvà
Ùn lu circate, scurdate u so nome
Chì face a guerra, ùn averà pietà .bis

Hey x2

Omu si nasce, ribellu si more
Ma sin’à l’ultima, emu da sparà
È s’è murimu, purtate ci un fiore
È una ghjastema per sta Libertà

Omu si nasce, ribellu si more
Ma sin’à l’ultima, avemu da sparà
È s’è murimu, purtate ci un fiore
È una prechera per sta Libertà .bis

Hey x3