A Casuccia

Mi issa casuccia nantu à un scogliu
Altri palazzi eiu nùn vogliu
Altre citedelle cùn torre
Pè aggruttà u nostru amore

Pè aggruttà u nostru amore
In stu mondu sempre in furore
Altre cundanne eiu nùn vogliu
Chè di passà cun tè u sogliu
D’issa casuccia nantu à un scogliu

Tutti l’innamurati s’elli sò innamurati
Anu in l’ochji issa casa s’isuluccia fatata
Tutti l’innamurati s’elli sò innamurati
Anu in l’ochji issa casa

Da u purtellu sopra à l’ortu
Si scopre a cità u portu
U mare di stesa infinita
A parte bona di a vita

Si sunnieghja l’ore sane
A’u cantà di e funtane
Ci si trova ancu l’erba à oliu
Hà quattru fronde u trifogliu
D’issa casuccia nantu à un scogliu

Tutti l’innamurati s’elli sò innamurati
Anu in l’ochji issa casa s’isuluccia fatata
Tutti l’innamurati s’elli sò innamurati
Anu in l’ochji issa casa